عايز تتخلص من نظام ظالم ومستبد؟؟
أولا: لازم يكون عندك أفكار ومبادئ قوية،
مش مجرد شعارات فضفاضة بلا أي إطار لتطبيقها، وتكون مش بعيدة عن الشعوب وثقافتها
ثانيا: لازم تربط أفكارك بلقمة العيش وحياة
الناس، وتنطلق منها لقيم أسمى وأعلى
ثالثا: تحركك لازم يراعي اختلاف الفصائل
والطبيعة الاجتماعية للمكان اللي انت فيه، يعني خطابك يحقق مصلحة كافة الطوائف أو
العرقيات داخل مجتمعك (يعني في مصر مينفعش تخسر ملايين المسيحيين أو تخسر ملايين
من علويين سوريا بالكامل بسبب خطاباتك الطائفية...)
رابعا: تمسكك بشعاراتك وقيمك هو اللي هينجح
موقفك، حتى لو كانت المؤشرات بتقول انك في فترة ضعف.. مش تتعامل وتاخد تأييد دول
انت نفسك كنت رافض التعامل معاها ومعارض لمواقفها على طول الخط...
خامسا: شعاراتك تتجاوز العرق والمذهب، يعني
ابعد تماما عن الشعارات المذهبية، لأنها وإن نجحت في تجييش طوائف كاملة، لكنها في
الوقت نفسه بتستعدي الآخرين، تحول القضية السياسية من خانة الخصومة إلى خانة (صراع
الوجود) ودي في حد ذاتها كارثة هتتسبب في تفتت الدولة والحدود وتمزق أي نسيج
اجتماعي كان موجود، حتى لو انتصر فصيلك السياسي، فمؤكد انه هيكون انتصار مؤقت لأنك
هتعيش في صراعات طائفية "وجودية" مستمرة مع فصائل محيطة...
سادسا: متستعجلش النتايج، لان استعجالك
هيخليك تتبنى مواقف بعيدة عن مبادئك، بحثا عن الانتصار السريع، زي تبنيك لشعارات
طائفية أو الاستقواء بكيانات ودول مكروهة ولكنها ذات نفوذ إقليمي.
لو حققت الشروط دي، هتنجح وتنتصر ولو بعد
حين، الكيانات بتموت والقوي بيضعف والقوى الكبرى مش بتعيش للأبد، يهلك كل شيء
وتبقى المبادئ اللي فضلت تتمسك بيها، هيبقى وقتها تاريخك المشرف والمنحاز للناس
على طول الخط، اللي مش هيكون فيه مواقف نفعية بحتة...
https://www.facebook.com/ashraf.moussa.92/posts/10154619167340428?match=I9mF2K3Yp9mI2YTYp9iqX9mB2YPYsdmK2Kk%3D
ليست هناك تعليقات:
إرسال تعليق