-العلمانية هي الحل عشان نبعد الدين عن السياسة
= طيب حضرتك دا هيتسبب في مشاكل ايدولوجية وينقسم الناس تاني إلى (ديني/علماني)
-لأ العلمانية فوق الأيدولوجيات وهتعصمنا من الخلاف
= انت مش فاهم كلامي؟ بقول لك ناس كتير هترفض الطرح دا، فيهم المتدين والمتشدد على فكرة
-العلمانية مش هتلغي الدين والمتدينين، هتلغي بس تدخل الفتاوى في السياسات والقوانين والتطور العلمي
= بعيدا عن مدى صدق كلامك أو اقتناعي بيه، احنا وطن ومحتاجين إطار مشترك يجمع (الديني والعلماني) ويتفقوا عليه
-الإطار هو العلمانية، العلمانية هي الحل
= وإزاي هتقنع الديني بكدا؟ خاصة إن غالبية شعبك مش مؤمنين بكلامك؟ هتفرض الحل دا على الجميع بالقهر؟
-طيب إيه الحل في رأيك؟
= العقلانية هي الحل، كل من المتدين والعلماني مش هيرفضوا العقل، العقل السليم بيوصلك للدين والإله والفضيلة، والعقل كمان حاكم على التطور العلمي، ومن العقل تقدر تميز بين غاية الدين ومقاصده، ودوره وبين استخدامات العلم، بمنتهى المنطقية...
نموذج العلمانية بتاعك مستحيل تقنع بيه الملايين خصوصا إن الدين الإسلامي متكامل بعقلانيته وروحانيته ونظمه الاجتماعية والقانونية العادلة، إنما النموذج العقلاني في فهم الدين ومقاصده، ومعرفة الزمن والمكان يمكن بكل سهولة إنه يكون المخرج المنطقي الأفضل لأزمتنا الحالية..
-لكن المتدين مش هيقبل بكدا...
= مفيش متدين حقيقي هيرفض العقل السليم ويضاد مادعا إله أقطابه زي ابن رشد ومحمد عبده والطهطاوي وغيرهم، محتاجين بس نغير عند الناس الصورة الخاطئة عن العقل والتدين، ودا جوهر الخطاب الديني المطلوب تجديده "مش تحييده وفصله عن مظاهر الحياة"...
وللعلم مفيش علماني عايز الخير لمجتمعه وبلده ولنفسه، إن يتوفر عنده نموذج يتصالح فيه الدين والعقل والعلم بلا جهل وسطحية أو تشدد واحتكار للفتاوى والحق، وميأيدوش حتى لو النموذج دا مفيهوش فصل بين الدين والعلم والقوانين، بس النظام هيكون فيه فهم عقلاني للدين، وحدوده وقوانينه وهو مايصب في صالح الجميع...
https://www.facebook.com/ashraf.moussa.92/posts/10155050916620428?match=I9mF2K3Yp9mI2YTYp9iqX9mB2YPYsdmK2Kk%3D
ليست هناك تعليقات:
إرسال تعليق